Kryeministri i Kosovës, Isa Mustafa i cili ishte pjesë e takimit të kryeministrave të Ballkanit Perëndimor ka thënë se tregu i përbashkët i vendeve të kësaj pjese të Ebropës nuk është në interes të të gjitha vendeve.
Mustafa ka thënë se Kosova nuk e sheh me entuziazëm këtë propozim, shkruan arbresh.info.
Lexoni të plotë postimin e tij në Facebook:
Tregu i përbashkët i vendeve të Ballkanit Perëndimor nuk është në interes të njëjtë të të gjitha vendeve.
Kosova nuk e sheh me entuziazëm këtë propozim, pa marrë parasysh se i kujt është. Ne ndajmë përvoja të ndryshme nga e kaluara dhe kjo e kaluar nuk dëshirojmë të na kthehet edhe një herë në ambalazhim të ri. Një treg i ngjashëm me atë të ish-Federatës Jugosllave, pa Kroacinë e Slloveninë e me Shqipërinë, si treg i përbashkët. Jo! Ose një union doganor i Ballkanit Perëndimor, në të cilin Kosova nuk do të ketë prekje me asnjë vend të Bashkimit Evropian. Jo!
Kosova thellësisht mbështet bashkëpunimin ekonomik dhe tregtar, heqjen e të gjitha barrierave të të bërit biznes dhe tregti me vendet e Ballkanit Perëndimor; punën e përbashkët në tërheqjen e investimeve të huaja, bashkëpunimin ndërmjet NVM-ve, njohjen dhe respektimin e diplomave, qarkullimin e lirë të njerëzve, mallrave dhe kapitalit.
Kosova vendin e vet e sheh në tregun unik Evropian, mbi bazën e Marrëveshjes së Stabilizim Asociimit./Arbresh.info.
Izraeli sërish sulmon Gazën – vriten të paktën 17 palestinez...
Lajçak pas takimit në Bruksel: Diskutum për Marrëveshjen e O...
Media spanjolle: Vizitoni Shqipërinë për një ‘arratisje të m...
Çfarë nuancash duhet t’u shtosh flokëve në vjeshtë për të la...
Kurti: 95% e terapisë për trajtimin e kancerit të gjirit mbu...
Kina, Rusia, Koreja e Veriut dhe Irani – “Boshti i ri i së k...