Edhe sonte në Shkup vazhduan protestat kundër platformës së partive politike shqiptare në Maqedoni.
Për të 16-ën ditë me radhë, iniciativa qytetare “Për Maqedoni të përbashkët” u tubuan para qeverisë, prej ku e filluan marshin e tyre drejt Parlamentit në shenjë proteste, kundër platformës së partive politike shqiptare në Maqedoni.
Ata vlerësojnë se platforma në mënyrë më direkte e kërcënon interesin e përgjithshëm kombëtar dhe integritetin shoqëror dhe politik të Maqedonisë.
Protestuesit bënë thirrje për bashkim të gjithë qytetarëve në Maqedoni, siç thanë për, synimin e përbashkët për ruajtjen e unitetit dhe tërësisë së Maqedonisë në bazë të parimit të vërtetuar dhe në themelet e unitetit bashkëkohor të vendit të cilat janë ndërtuar në Marrëveshjen kornizë të Ohrit nga viti 2001.
Skip to content
