Lider i VMRO-DPMNE-së, Nikolla Gruevski, nuk mendon të shkojë në opozitë. Në shfaqjet e tij publike ai vazhdon që të kërcënohet se “nëse LSDM formon Qeveri zemërimi i popullit nuk do të mund të kontrollohet”.
Në intervistën e fundit për televizionin bullgar BTV thotë se krijim i Qeverisë së re, e përkrahur nga partitë shqiptare do të çojë në fundin e shtetit maqedonas në formën e tanishme dhe sipas tij, kjo fshehë rrezik për konflikt të ri në Ballkan, njofton Portalb.mk.
“Sjellja e Platformës së partive shqiptare është përpjekje jo vetëm për ridefinim të shtetit, por edhe për ribisedim për Marrëveshjen e Ohrit të vitit 2001. Ajo është punë e rrezikshme, ajo është hapje e Kutisë së Pandorës. Në Maqedoni tani jetojnë disa bashkësi etnike, të cilat mund të kërkojnë diçka të re, duke i përshirë edhe maqedonasit, por ai ribisedim është punë e rrezikshme. Ajo mund të na kthejë në vitin 2001”, thotë Gruevski.
Autori i intervistës komenton se Kutia e Pandorës është hapur përpara dy vjetëve kur opozita filloi të publikojë biseda nga përgjimet, duke zbuluar keqpërdorim të madh të pushtetit dhe korrupsion të qindra mijëra eurove nga funksionarët e VMRO-DPMNE-së.
Në pyetjen se a e ka njohur zërin e tij në inçizime, Gruevski nuk dha përgjigje konkrete.
“Qëndrimi ynë për këtë çështje ishte i qartë – bëhet fjalë për materiale të krijuara dhe montuara, të cilat janë shfrytëzuar me qëllim që ta shkatërrojnë kredibilitetin e institucioneve dhe politikanëve. Pra, nuk bëhet fjalë vetëm për zërin, por edhe për çështjet që kanë të bëjnë me materialet e krijuara, edituara dhe montuara”, tha Gruevski.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...