Google ADS

Prapë incident në koncertin e Adeles (FOTO)

10:37 | 11 Mars 2017
Arbresh.info

Adele është në mes të turneut të saj ndërkombëtar e për momentin ndodhet në Australi, ku po mban koncerte të tipit “360 gradë”.

Mbrëmjen e kaluar, këngëtarja e “Hello” performoi në stadiumin ANZ për 95,000 persona, por edhe këtë herë incidentet e kanë ndjekur nga pas.

Në fakt, këtë herë asgjë nuk i ndodhi Adele-s, por s’mund të themi të njëjtën gjë për një prej fansave të saj, e cila u rrëzua dhe u dërgua menjëherë në spital.

Adele, sigurisht, ndaloi koncertin për t’u siguruar se personi në fjalë ishte në gjendje të mirë dhe e nisi shfaqjen vetëm në momentin që gjërat u rregulluan.

“Më vjen keq, por dikush u lëndua atje dhe më duhet të kontrolloj nëse është mirë”, – ka thënë Adele.

Ndërkohë persona që ishin prezent në koncert kanë thënë se artistja britanike filloi të qante në momentin kur pa se vajza ishte lënduar.

Shpresojmë që incidente të tilla të mos i ndodhin jo vetëm Adele-s e fansave të saj, por asnjë artisti. /Blitz.al/

02-adele-grammys-show-2017-billboard-1548

 

Shpërndaje në rrjete sociale

Lajmet më të lexuara

Të ngjashme

Foto lajm