Papa Françesku ka folur për përvojën e tij në krizat e besimit dhe ka treguar haptazi për “momentet e zbrazëtisë”, ndërsa edhe ka thënë që ai është një “mëkatar” dhe “i gabueshëm” në intervistën për gazetën gjermane.
Kur u pyet nga gazeta Die Zeit nëse ai ka dyshuar në ekzistencën e Zotit, papa tha: “Edhe unë i njoh ato momente të zbrazëtisë”, transmeton portali arbresh.info.
Ai ka deklaruar se këto kriza ofrojnë mundësi për t’u rritur dhe që çdo besim që nuk përballet me kohë krize “mbetet i papjekur”.
Françesku vazhdoi të deklarojë se nuk e konsideron veten të veçantë, duke theksuar se ai është një besimtar normal dhe një “mëkatar” si gjithë të tjerët.
“Ne nuk duhet të harrojmë se çdo formë e idealizimit të një qenie njerëzore gjithmonë sjell një lloj agresioni në ndërdije me të. Nëse unë jam i idealizuar ndihem nën sulm”, tha ai.
Ai mes tjerash paralajmëroi njerëzit kundër rreziqeve të populizmit duke e quajtur një të “ligë” që i kanoset njerëzimit./Arbresh.info
Shtatë të vrarë nga një sulm izraelit në një shkollë të kthy...
Netanyahu thotë se Hezbollahut i janë shkaktuar goditje të p...
Haxhiu: Fehmia, Xheva e Fatimja, do të mbeten përherë shembu...
Automjeti i ushtrisë serbe shtyp veturën, vdesin pesë person...
Zbulohet laboratori i drogës në podrumin e një banese në Pri...
Goditet një laborator i drogës në Prishtinë, Sveçla thotë se...