Drejtoresha për Ballkanin Perëndimor në Drejtorinë e Komisionit Evropian për Politikën e Fqinjësisë Evropiane dhe Negociatat e Zgjerimit, spanjollja Genoveva Ruiz, po qëndron për një vizitë zyrtare në Kosovë.
Në një postim në rrjetin social Twitter, zyrtarja e lartë spanjolle pranë Komisionit Evropian paraqet edhe flamurin e Republikës së Kosovës.
“Jam shumë e gëzuar të jem sërish në Prishtinë. Agjenda ime: Duke çuar përpara rrugëtimin e Kosovës (flamuri i Kosovës i përfshirë) me veprime konkrete! Fokusi në ekonomi, në asistencën e BE-së dhe në reforma”, ka shkruar Genoveva Ruiz në Twitter.
Edhe në disa postime të mëvonshme Ruiz sërish ka përfshirë flamurin e Kosovës.
Ajo ka punuar në fushën e politikës së jashtme dhe marrëdhënieve fqinjësore për gati dy dekada. Gjatë kësaj kohe ka shërbyer në grupin e punës së KE-së për rindërtimin e Kosovës, si dhe në departamentet e politikës së fqinjësisë, punëve të jashtme dhe në grupin e këshilltarëve të politikës së jashtme.
LDK: Qëndrojmë të bashkuar me popullin turk
Trepça pëson humbje në grupet e FIBA Europe Cup
Haradinaj mesazh komunitetit shqiptar në Amerikë: Kosova ka ...
Abdixhiku nga Rahoveci: Momenti për ndryshim është afër
Në 13 vite emigruan 550 mijë të rinj italianë, gjysma e të c...
Fero tregon si e zgjodhi rastin me vajzën e tij