Presidenti amerikan Donald Trump ka firmosur një urdhër të ri ekzekutiv që ndalon për 90 ditë të tjera hyrjen në Shtetet e Bashkuara të qytetarëve nga vendet me shumicë myslimane.
Ndryshe nga urdhri ekzekutiv i mëparshëm, nga lista e vendeve në fjalë është hequr Iraku, që e çon në 6 numrin e shteteve do të preken nga kjo masë.
Sidoqoftë, personat me viza të vlefshme do të lejohen të hyjnë në Shtetet e Bashkuara dhe po ashtu poseduesit e lejes së qëndrimit, të njohur ndryshe si Karta Jeshile.
Konkretisht, qytetarët nga Irani, Libia, Siria, Somalia, Sudani dhe Jemeni do të bëhen sërish subjekt i ndalimit 90-ditor të hyrjes në Amerikë.
Edhe pse refugjatët e pranuar nga Departamenti i Shtetit do të lejohen të hyjnë, urdhri i ri kufizon numrin e lejuar në 50 mijë njësi në vit.
Direktiva e re gjithashtu heq një ndalim paraprak që ishte vendosur ndaj të gjithë refugjatëve sirianë.
Agjencia e lajmeve “Associated Press” raporton se urdhri nuk u jep prioritet pakicave fetare, ndryshe nga ai i mëparshmi që ishte kundërshtuar nga kritikët e administratës Trump, me argumentin se tregonte hapur preferencën për refugjatët e krishterë.
Urdhri i presidentit, që përfshin edhe një ndalim 120-ditor për të gjithë refugjatët, do të hyjë në fuqi më 16 mars për të kufizuar çakordimin e udhëtimeve në rrugë ajrore.
Urdhri i mëparshëm, që u bllokua nga një gjykatë federale, shkaktoi konfuzion në aeroporte dhe gjithashtu protesta masive në qytetet kryesore të Amerikës.
Kurti udhëton për në Bruksel, merr pjesë në drekën e ftuar n...
Loredana Zefi pjesë e jurisë së një prej ngjarjeve më të mëd...
Von der Leyen takon sot liderët e Ballkanit Perëndimor
Osmani udhëton për në New York, pritet të zhvillojë takime m...
Rama: Ambiente tërësisht të rikonstruktuara për nxënësit e s...
Maqedonci: Çdo kërcënim e marrim seriozisht, nuk i frikësohe...