Ministri gjerman i Punëve të Jashtme, Sigmar Gabriel paralajmëroi për një përshkallëzim të tensioneve mes Gjermanisë dhe Turqisë, në një artikull të publikuar sot nga gazeta “Bild”
“Ne nuk duhet të lejojmë që themelet e miqësisë mes dy vendeve tona të thyhen”, shkruan Gabriel.
Tensionet mes Berlinit dhe Ankarasë u rritën pas anulimit të disa manifestimeve në Gjermani, ku merrnin pjesë zyrtarë turq, në mbështetje të votimit në një referendum për t’i dhënë më shumë pushtet presidentit në Turqi si dhe pas arrestimit të gazetarit gjermano-turk, Deniz Yucel.
Gabriel, i cili do të takohet të mërkurën me ministrin turk të Punëve të Jashtme, Mevlut Cavusoglu në Gjermani shkruan se “marrëdhëniet me Turqinë janë përballë një testi të fortë”.
Ministri gjerman nuk u shpreh kundër fushatave në Gjermani të politikanëve turq, por vendosi kushte të qarta.
“Nëse dikush kërkon të flasë në vendin tonë, ata nuk duhet të na thonë neve çfarë duam të dëgjojmë, por duhet të respektojnë rregullat tona, rregullat e ligjit ashtu si rregullat e mirësjelljes”, theksoi ai.
Hoxha vizitë zyrtare në Ankara, merr pjesë në panairin e sig...
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...
Putin: Rusia po rrit prodhimin e dronëve