Google ADS

Protesta e opozitës në ditën e 15, Basha fokusohet te shëndetësia

20:31 | 4 Mars 2017
Arbresh.info

Në ditën e 15 të protestës së opozitës, kreu i PD, Lulzim Basha teksa foli nga çadra u fokusua kryesisht në situatën aktuale në shëndetësi, duke thënë se Rama kishte mundësi që miliona euro t’i shpenzonte për përmirësimin e shëndetësisë, por sipas tij, i shpenzoi për tendera korruptivë.

“Kryeministri kishte mundësi të zgjidhte për qytetarët, por zgjodhi për klientët e tij. Tani po vjen ora të zgjedhin qytetarët, midis mashtrimit dhe kaosit total, që është shëndësia e Edi Ramës, apo ta largojnë atë”, tha Basha.

Kreu i opozitës u shpreh se Partia Demokratike e ka gati planin për ta nxjerrë shëndetësinë nga gjendja mesjetare, siç tha Basha.

“Do të anulojmë të gjitha koncesionet korruptive dhe të gjitha këto para do t’i çojmë në investime që të jenë në shërbim të qytetarëve”.

Basha tha se me zgjedhje të lira dhe të ndershme, Rama do të përfundojë para drejtësisë.

Shpërndaje në rrjete sociale

Lajmet më të lexuara

Të ngjashme

Foto lajm