Qeveria e Kosovës dje ka miratuar raportin e Komisionit për Matjen e Territorit të Republikës së Kosovës. Ky raport është pritur në mënyrë që Qeveria të procedojë për në Kuvend ratifikimin e demarkacionit me Malin e Zi.
Një shtytje të madhe ratifikimit të demarkacionit sot i ka dhënë edhe shefja e BE-së për Politikë të Jashtme dhe Siguri, Federica Mogherini, e cila në Prishtinë tha se ky është kushti i vetëm për Kosovën para liberalizimit të vizave.
Qeveria e Kosovës ka mundësi që të hënën ta përcjellë për në Kuvend demarkacionin, derisa Kryesia e Kuvendit të martën të vendos për seancën ku do të votohet ratifikimi.
Lajmi.net merr vesh nga burime brenda koalicionit qeveritar se 9 marsi është data kur Kuvendi mund t’i jap përgjigje përfundimtare demarkacionit, në mënyrë që Bashkimi Evropian të procedojë sa më shpejt me heqjen e vizave për kosovarët.
Brenda deputetëve të koalicionit qeveritar ende ka dyshime për numrin e votave. Për kalimin e demarkacionit duhen 80 vota, të cilat momentalisht PDK-LDK nuk i kanë.
Më së shumti hezitime ka në Grupin Parlamentar të LDK-së, ku janë diku ndërmjet 7-9 deputetë që janë shprehur kundër demarkacionit ose kanë ende rezerva.
Në PDK, numri i tyre është ndërmjet 2 dhe 3 deputetëve.
Nëse kthehet Lista Serbe, me 11 deputetë, atëherë demarkacioni mund të kalojë edhe nëse ka kundërshtime të caktuara të deputetët e pozitës.
Theret për vdekje një person në Prishtinë, policia jep detaj...
Fiorentina shënon fitore bindëse ndaj Romës në Serie A
I dyshuari për vrasjen e vëllait në Prishtinë shoqërohet nga...
Szczesny pas fitores së mbrëmshme shihet duke tymosur në dho...
Deputeti finlandez: Do ta mbështesim Kosovën për në Këshilli...
Vëllai ther për vdekje vëllanë në Prishtinë