Google ADS

Rakiq: Formati i bisedimeve mos të ndryshojë, Serbia na përfaqëson neve

17:22 | 4 Mars 2017
Arbresh.info

Kryetari i Mitrovicës së Veriut, Goran Rakiq është takuar sot në Mitrovicë me përfaqësuesen e lartë të BE-së për Politikë të Jashtme dhe Siguri, Federica Mogherini.

Pas takimit, Rakiq ka thënë se revitalizimi i urës është vetëm hapi i parë i implementimit të marrëveshjes së arritur në Bruksel, ndërsa hapi i dytë i cili është i lidhur ngushtë me hapin e parë është demarkacioni i kufirit të Mitrovicës së Veriut dhe asaj të Jugut.

“Njëra nga temat e bisedës së sotme ka qenë themelimi i Asociacionit të komunave me shumicë serbe dhe hartimi i statutit. Nëse dëshirojmë që marrëveshjet e arritura të implementohen dhe të jenë të qëndrueshme në terren, atëherë askush nuk duhet ta ndryshojë formatin e bisedimeve aktuale”, ka thënë ai, transmeton lajmi.net.

Sipas tij, bisedimet duhet të vazhdojnë në relacionin Beograd-Prishtinë dhe Qeveria e Serbisë e ka mbështetjen dhe mandatin e plotë që t’i përfaqësojë serbët nga Kosova.

 

Shpërndaje në rrjete sociale

Lajmet më të lexuara

Të ngjashme

Foto lajm