Erdogan: Gazetari gjerman ka qenë spiun dhe anëtar i PKK-së

22:57 | 3 Mars 2017
Trina Galanxhi

Presidenti i Turqisë, Recep Tayip Erdogan, i është përgjigjur kritikave të Gjermanisë, duke thënë se Deniz Yucel, ishte ‘agjent gjerman’ dhe ‘pjesëtar i PKK-së’.

“Kjo nuk ka të bëjë aspak me atë se është arrestuar korrespondenti i Die Welt”, ka thënë ai në Stamboll, transmeton portali arbresh.info.

“Arrestimi i tij ka të bëjë se ai qëndronte i fshehur në ambasadën gjermane, përderisa ai ishte agjent gjerman dhe anëtar i PKK-së”, ka shtua ai.

Një burim nga Ministria e Jashtme e Gjermanisë për Reuters, ka thënë se është absurd përshkrimi që ka bërë Erdogan.

Erdogan shtoi se kishte kërkuar nga kancelarja Angela Merkel ‘që terroristët t’i dorëzohen Turqisë’, ndërsa ka shtuar se drejtësia do të jetë e paanshme dhe e pavarur në rastin e të gazetarit në fjalë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm