Mogherini nesër në Kosovë, ja agjenda

09:22 | 3 Mars 2017
Arbresh.info

Përfaqësuesja e lartë e Bashkimit Evropian për Politikë të Jashtme dhe Siguri, Federica Mogherini do të qëndroj nesër në Kosovë.

Zyra e Bashkimit Evropian në Kosovë ka publikuar agjendën e vizitës së Mogherinit në Kosovë, shkruan arbresh.info.

Në njoftim thuhet se Mogherini, takimin e parë do ta ketë më presidentin Hashim Thaçi në ora 9:00 të mëngjesit.

Pas Thaçit, Mogherini pritet të takohet edhe me kryeparlamentarin Kadri Veseli në ora 9:35 dhe më pas edhe me kryeministrin Isa Mustafa, në ora 10:00 .

Mogerini dhe Mustafa, pas takimit do të dalin edhe me një konferencë të përbashkët për media në ndërtesën e Qeverisë së Kosovës në ora 10:30.

Mogherini do të ketë një takim të veçantë edhe me krerët e partive parlamentare në Kosovë duke filluar nga ora 11:00.

Zyrtarja e lartë  e BE-së pritet të vizitoj edhe veriun ku do të marrë pjesë në përurimin e urës në atë pjesë. /Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm