Francois Fillon përballet me akuzat

13:50 | 1 Mars 2017
Arbresh.info

Kandidati presidencial i krahut të djathtë, Francois Fillon, ka thënë se do t’i përgjigjet gjykatës në luftën ndaj akuzave se gruaja e tij ishte paguar për punën të cilën nuk e kishte bërë.

Ai është thirrur për të dalë para gjykatës, Serge Tournaire, më 15 mars, transmeton arbresh.info.

“Kjo është vrasje politike”, u ankua Fillon.” Por nuk jam unë i vetmi që është duke u vrarë, po vriten edhe zgjedhjet presidenciale. Zërat e milionave votuesve janë duke u shuar”, vazhdoi ai.

Fillon tha se ai do të respektojë thirrjen e gjyqit dhe do të thotë të vërtetën.

Në një fjalim, Fillon u zotua se nuk do të dorëzohet dhe do të luftojë deri në fund, duke u bërë thirrje votuesve për mbështetje./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm