Google ADS

Çështja CEZ, dështon për herë të tretë dëshmia e Shkëlzen Berishës

18:31 | 28 Shkurt 2017
Trina Galanxhi

Ka dështuar për të tretën herë dëshmia e Shkëlzen Berishës në komisionin hetimor për privatizimin e OST-së tek kompania çeke CEZ. Shkak është bërë sërish refuzimi i Berishës për të bërë betimin përpara kryetarit të komisionit, Taulant Balla, i dënuar për shpifje në dëm të djalit të ish-kryeministrit.

“Je i dënuar për shpifje”, i përsëriti disa herë Shkëlzen Berisha, Taulant Ballës, përpara se kreu i komisionit ta nxirrte jashtë Berishën “për fyerje të institucionit”.

“Ky është shembulli më i qartë se sa i domosdoshëm është vetting-u në Shqipëri. Janë mësuar të gjykohen nga gjykatësit që i cakton babi. Këta njerëz duan të caktojnë edhe kryetarët e anëtarët e komisioneve hetimore”, tha Balla.

Shpërndaje në rrjete sociale

Lajmet më të lexuara

Të ngjashme

Foto lajm