Kombëtarja e Shqipërisë e fton për herë të parë këtë futbollist nga Kosova

14:34 | 27 Shkurt 2017
Arbresh.info

Futbollisti nga Kosova, Kastriot Dermaku, pritet të jetë përforcimi më i ri i Kombëtares shqiptare të futbollit për ndeshjet e marsit ndaj Italisë dhe Bosnjë-Hercegovinës.

Kriza në prapavijën kuqezi, me mungesën për shkak pezullimi të Gjimshitit, apo mosaktivizimin dhe rënien e formës sportive të lojtarëve të tjerë, ka detyruar trajnerin e përfaqësueses Gianni De Biasi që të kërkojë alternativa të reja të cilat si gjithmonë vijnë nga jashtë Shqipërisë, transmetojnë mediat shqiptare e përcjellë Arbresh.info.

Dermaku është një nga lojtarët më të spikatur të këtij sezoni në Lega Pro në Itali. Futbollisti, kartoni i të cilit i përket Empolit, ka shkëlqyer me Luchezen duke u kthyer në një nga emrat më të lakuar në merkaton e janarit pasi oferta për të u bënë nga pjesa më e madhe e klubeve të Serisë B. Por në fund, Lucheze vendosi të mbante 25-vjeçarin me shpresën se mund ta ndihmojë këtë skuadër të luftojë për ngjitjen në Serinë B.

 

Shpërndaje në rrjete sociale

Lajmet më të lexuara

Të ngjashme

Foto lajm