Forcat turke dhe forcat e opozitës siriane mposhtin ISIS-in në qytetin sirian, Al Bab

15:49 | 23 Shkurt 2017
Trina Galanxhi

Forcat e opozitës siriane të mbështetura nga forcat e Turqisë, kanë marrë nën kontrollë qendrën e Al Bab-it në veri të Sirisë.

Qyteti Al Bab, që ndodhet 25 km në jug të kufirit turk, ishte fortesa e fundit e militantëve të Shtetit Islamik në provincën veriore të Aleppos, transmeton portali arbresh.info.

“Ne jemi njoftuar se Al Bab është çlirua plotësisht dhe tani jemi duke u marrë me pastrimin e minave nga lagjet e banimit”, tha Ahmad Othman, komandant nga forcat opozitare.

Forcat e ULS-së dhe TSK-së në operacionin “Mburoja e Eufratit” të nisur më 24 gusht të vitit 2016 pas pastrimit nga organizatat terroriste të zonës Azez-Jarabulus, në fillim të muajit dhjetor u nisën drejt rajonit Al Bab.

Observatori sirian për të Drejtat e Njeriut thotë se militantët e ISIS-it janë ende të pranishëm në disa pjesë të qytetit dhe se forcat opozitare kanë marrë nën kontroll më pak se gjysmën e qytetit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm