Ish-kryetari i Kuvendit të Kosovës, Jakup Krasniqi ka vlerësuar se Komisioni për matjen e territorit e ka bërë territorin e Kosovës si plastelinë.
Krasniqi, përmes një postimi në Facebook e ka kritikuar ashpër pushtetin në lidhje me demarkacionit, shkruan arbresh.info.
Lexoni të plotë postimin e tij:
KOMISIONI TERRITORIN E KOSOVËS E KA BËRË SI PLASTELINË
Shkruan: Jakup Kraniqi
Me kushtëzimet që BE-ja ia ka bërë Kosovës, askush ose pak kush mund të jetë dakord, veç qeveritarëve që i kanë pranuar si të tilla. Këtë e konfirmoi në një formë edhe eurodeputetja Fajon në emisionin interaktiv në KTV-së më 20 shkurt 2017. Ajo ndër të tjera tha: “Kriteret i kanë caktuar BE-ja se bashku me qeverinë e Kosovës”.
Nuk jam dakord edhe për faktin se BE-ja me këtë kushtëzim ka shkelur në vlerat e saja të traditës që ajo kishte vendosur për kriteret e liberalizimit të vizave. Ka shkelur të drejtën e lëvizjes së lirë të qytetarëve dhe ka shkelur të drejtën elementare të njeriut. E drejta e njeriut për BE-në është e drejtë fundamentale.
Kuvendi i Kosovës bujarisht e pati pranuar EULEX-in, duke qenë e bindur se do të ndikojë në përmirësimin e Sistemit të Drejtësisë, se do të ndiqeshin të korruptuarit jo vetëm në Gjyqësi e Siguri, por në gjithë jetën institucionale, e cila jo vetëm që nuk ndodhi, por pati dyshime se u korruptuan edhe prokurorë e gjyqtarë të EULEX-it.
Por, nuk mund të pajtohem as kur i pari i vendit tonë drejton akuza publike kundër BE-së, e cila “nuk na paska vizion e lidership”?! Po e zëmë se “BE-ja nuk paska vizion e lidership”, por e gjithë çështja është, kush e ku po e thotë?! Nëse “Be-ja nuk ka vizion e lidership”? Pse vendi ynë nga mëngjesi e në mbrëmje ose err e terr përbetohet për rrugëtimin tonë drejt integrimeve në BE? Për liberalizim e integrim në BE? Këtu natyrshëm shtrohet pyetja, pse të integrohemi në një vend që nuk ka vizion e lidership?! Apo pse të mos rrimë këtu ku kemi vizion e lidership edhe për eksport?!
Nëse, “BE-ja nuk paska vizion e as lidership”,siç po thotë Hashim Thaçi, pse atëherë po kërkon nga deputetët e partive të koalicionit (PDK e LDK) që ta votojnë Projektligjin për ratifikimin e demarkacionit të kufirit me Malin e Zi? Madje, pse të shkojmë atje ku nuk ka vizion e lidership?!
A ka mundësi që dikush të na tregojë prej nga vrapi i Presidentit dhe i Kryeministrit të Kosovës për t’i falur territor Malit të Zi? Çfarë matje bëri Komisioni i formuar për të vërtetuar punën e Komisionit qeveritar, sipas të cilit territori i Kosovës është rritur edhe përkundër asaj, që më demarkacionin e përfunduar me Maqedoninë, Kosova kishte humbur territor?! A ka mundësi, që edhe përkundër humbjeve të territoreve me demarkacionin me Maqedoninë e Malin e Zi, Kosovës t’i rritet territori?! Sipas këtyre ekspertëve, të udhëhequr nga Akademiku po del që sa më shumë territor që humbë Kosova, kur ta masin këta “ekspertë”, territori i Kosovës rritet?! Sikur territori ynë të ishte prej plastelinës. A do të rritet territori i Kosovës edhe pas demarkacionit që duhet të bëhet me Serbinë?
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban