Kreshnik Spahiu: Romana Vlahutin është një fshatare nga Kroacia që po mbush xhepin me para

13:12 | 21 Shkurt 2017
Arbresh.info

I ftuar në emisionin “Dritare me Rudinën” në Vizion Plus, kreu i Aleancës Kuq e Zi, Kreshnik Spahiu, foli me një gjuhë të ashpër për ambasadoren e BE-së, Romana Vlahutin. Ai e quajti një fshatare nga Kroacia, e cila do të mbushi xhepin me para dhe do të largohet nga Shqipëria.

“Është një fshatare nga Kroacia që është akuzuar për korrupsion si në Kroaci edhe në Shqipëri. Vlahutin ka vendosur 140 deputetë rresht në Shqipëri dhe u ka treguar se si do të bëhen reformat. Pyetja është a ka përgjegjësi politike nëse reforma dështon? Vlahutinit nuk ia ndjen fare për reformën, mbush xhepin me para dhe largohet më e pasur sesa ka ardhur. Nëse opozita e ha presionin e ndërkombëtarëve, atëherë ka për të qëndruar 12 vite në opozitë”, tha Spahiu.

Kujtojmë që zëri i vetëm nga BE-ja që ka reaguar për protestën e opozitës, është Maja Koçijançiç, zëdhënësja e KE, e cila tha se debati politik duhet të zhvillohet në parlament dhe jo jashtë tij. Ndërsa lideri i opozitës, Lulzim Basha u tha protestuese se në rrugën e tyre kanë mbështetjen e ndërkombëtarëve./dritare.net

Shpërndaje në rrjete sociale

Të ngjashme