Telashe me borxhin për substanca narkotike në Prizren

13:59 | 19 Shkurt 2017
Arbresh.info

Një person është arrestuar në Prizren, pasi që i njëjti, dyshohet se për shkak të një borxhi prej 1500 euro, pagesë për substanca narkotike, ka rrëmbyer viktimën duke e futur në veturë, por viktima kishte arritur që të ikë nga vetura dhe ka raportuar rastin.

Viktima gjatë intervistimit ka deklaruar se i ka borxh të dyshuarit vlerën e cekur për substanca narkotike marihuanë.

Ndaj viktimës është hapur rasti nga njësitet e DHTN-së, ndërsa i dyshuari pas intervistimit, me vendim të prokurorit është dërguar në mbajtje.

I njëjti përson i rrëmbyer gjatë intervistimit në rolin e viktimës në rastin-rrëmbim ka deklaruar se posedon substanca narkotike të llojit marihuanë.

Njësitet policore gjatë bastisjes në shtëpinë e tij kanë gjetur dhe konfiskuar në dy qese plastike 210.05 gram substancë të dyshuar të llojit marihuanë, si dhe 64-qese plastike të dizajnuara për paketim të substancave narkotike.

Me vendim të prokurorit, i dyshuari pas intervistimit është dërguar në mbajtje.

Shpërndaje në rrjete sociale

Lajmet më të lexuara

Të ngjashme

Foto lajm