Google ADS

Arabia Saudite arreston 18 pjesëtarë të dyshuar të Shtetit Islamik

15:33 | 16 Shkurt 2017
Arbresh.info

Ministria e Brendshme të Arabisë Saudite thotë se autoritetet kanë arrestuar 18 të dyshuar që i përkasin grupit Shteti Islamik, duke përfshirë këtu edhe ndërtues të bombave.

Zëdhënësi i ministrisë, Mansour al-Turki, , tha në një deklaratë se të dyshuarit u arrestuan në qytetet e shenjta të Mekës dhe Medinës dhe dy qytete të tjera, transmeton arbresh.info.

Ai shtoi se të dyshuarit kishin role të ndryshme, duke përfshirë operacionet logjistike dhe rekrutimin, si dhe sigurimin e strehës dhe mbështetjes financiare për militantët.

Al-Turki tha se të dyshuarit kishin përvojë në ndërtimin e eksplozivëve dhe jelekëve vetëvrasës.

Arabia Saudite ka qenë në shënjestër nga një numër madh i shpërthimeve vetëvrasëse vdekjeprurëse dhe sulme të tjera të kryera nga grupi i Shtetit Islamik në vitet e fundit.

Vendi është pjesë e koalicionit të udhëhequr nga ShBA-të, të cilët luftojnë grupin terrorist në Irak dhe Siri./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm