Rama “shuplakë” Blushit, bllokon regjistrimin e “LIBRA-s” në KQZ

21:46 | 15 Shkurt 2017
Arbresh.info

Partia e Ben Blushit nuk mund të regjistrohet në KQZ për zgjedhjet e ardhshme. Të paktën aktualisht.

KQZ-ja ka bërë një udhëzim për partitë e reja, çka duket sikur është bërë posaçërisht kundër LIBRA-s.

Sipas nenit 68 pika 2 të Kodit Zgjedhor duhen te mbledhin 5000 firma vetëm partitë qe kane një mandat në Kuvend 6 muajt e fundit. Çdo parti që ka të paktën dy mandate të paktën 6 muajt e fundit në Kuvend para zgjedhjeve, ka të drejtë të regjistrohet pa mbledhur 5 mijë firma, shkruan Panorama.

Një kriter të tillë e plotëson edhe LIBRA me Hafizin dhe Blushin. Mirëpo, KQZ ka nxjerrë një udhëzim tjetër për këtë çështje.

Kështu, sipas udhëzimit të ri, LIBRA duhet të paraqesë në KQZ një vërtetim mandati për dy deputetët, të cilët duhet të kenë qënë në parlament të paktën 6 muajt e fundit që nga data e paraqitjes së kërkesës në KQZ.

Këtë kusht LIBRA nuk e plotëson, ndaj Blushi duhet të mbledhë firmat për t’u regjistruar në KQZ.

Shpërndaje në rrjete sociale

Lajmet më të lexuara

Të ngjashme

Foto lajm