Mediat lokale italiane informojnë se një gomone që vinte nga Shqipëria e me rreth gjysmë tonë marijuanë është mbytur në ujërat e komunës së Frigoles në provincën e Lecces.
Dy skafistët shqiptarë që udhëtonin me të, kanë mundur të shpëtojnë falë ndërhyrjes së Rojes bregdetare italiane.
Ka qënë një anije tregtare malteze e cila ka informuar autoritetet bregdetare italiane mbi gomonen gjysëm të mbytur e dy skafistët e mbetur në mes të detit e në rrezik për jetën.
Roja bregdetare italiane pasi ka mundur të shpëtojë dy skafistët shqiptarë ka rekuperuar në det dhe mjetin lundrues. Gomonia është rreth 5 metra e gjatë, e trasportonte 20 pako marijuanë për një peshë totale gati gjysëm tonë drogë.
Mendohet se gomonia është mbytur për shkak të ngarkesës së madhe e kushteve të papërshtatshme të motit.
Ndaj dy skafistëve shqiptarë është lëshuar urdhëri i arrestimit për trafik ndëkombëtar lënde narkotike. Mendohet se lënda narkotike e sekuestruar do të vlente në tregun ilegal të drogës rreth 1 milion euro.
Ende nuk ka një komunikatë zyrtare të autoriteteve italiane mbi këtë ngjarje.
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...
Ushqimet e duhura për të shmangur ftohjen
Përfundon pa gola mes Atalantas dhe Arsenalit, Raya heroi