Google ADS

Cook kërkon krijimin e mënyrave të reja kundër “fake news”

17:13 | 11 Shkurt 2017
Arbresh.info

Tim Cook, kreu i “Apple”, u kërkoi sot ndërmarrjeve të sektorit teknologjik për të krijuar mënyra të reja për të luftuar kundër informacioneve të rreme që parashikojnë të mashtrojnë lexuesit, në një intervistë për të të pëditshmen “Daily Telegraph”.

“Ne, ndërmarrjet teknologjike, duhet të krijojmë mjete për të ndihmuar në reduktimin e informacioneve të rreme”, deklaroi drejtuesi i gjigantit amerikan të informatikës për të përditshmen britanike duke shpjeguar se kjo duhet të bëhet pa cënuar lirinë e fjalës dhe lirinë e shtypit.

“Ne po kalojmë një periudhë në të cilën, fatkeqësisht, ata që kanë sukses janë ata që punojnë për të marrë sa më shumë klikime të mundshme, jo ata që provojnë të transmetojnë të vërtetën. Kjo shkatërron trurin e njerëzve”, theksoi Tim Cook.

Kreu i “Apple” nuk përmendi se cilat mund të jenë këto intrumente, por kërkoi një fushatë më të gjerë të ndërmarrë veçanërisht në shkolla./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm