Daçiq nuk kërkon falje për “çështjen e emrit”
“Sillemi me Maqedoninë, sikur sillen ata me ne”
Shefi i diplomacisë serbe, Ivica Daçiq hedh poshtë mundësinë e kërkim faljes për Maqedoninë, pas polemikave me Shkupin zyrtar rreth njohjes së emrit kushtetues të Maqedonisë.
Daçiq ka thënë madje se serbët “janë budalla” pse e njohën “Republikën e Maqedonisë” dhe ngatërruan raportet me Greqinë, kurse Shkupi zyrtar i shkon për shtati tërë kohën Kosovës, për të cilën Serbia ka pretendime territoriale!
“Sic e dini, ne [v.j. Serbia] e kemi njohur atë, sipas emërtimit, Republika e Maqedonisë. Ndërsa a ishte Maqedonia, korrekte në raport me ne, kjo është çështje e raporteve tona bilaterale. Edhe unë qartë e kam thënë, isha konkret dhe i qartë: do të sillemi me Maqedoninë, ashtu siç sillet Maqedonia me ne“, tha Daçiq për TV21.
Polemikat mes Beogradit dhe Shkupit zyrtar, janë ngjall pas votës që Maqedonia e dha pro anëtarësimit të Kosovës në UNESCO.
Ministri i Jashtëm i Serbisë ka thënë më 2 janar se Beogradi nuk do t’ia bëntë këtë gjë Shkupit, në një kontest ndërkombëtar, por do t’ia mbante anën.
Të enjten ndërkaq, Daçiq tha për TV21 se raportet e Serbisë me Maqedoninë janë miqësore, dhe se shteti serb sillet “si mik” në raport me Maqedoninë.
I pyetur nëse mendon se i ka borxh opinionit në Maqedoni t’i kërkoj falje për komentet e tij rreth çështjes së emrit, Daçiq jep përgjigje të përgjithësuar, dhe i ikën pyetjes.
TV21: A mendoni se duhet t’i kërkoni falje Maqedonisë për atë deklaratën që dhatë, për çështjen e emrit?
Ivica Daçiq: T’ju them dicka. raportet tona, janë miqësore nga të dyja anët. Ne jemi sjell si miq në raport me Maqedoninë. Sic e dini, ne [v.j. Serbia] e kemi njohur atë, sipas emërtimit, Republika e Maqedonisë.
Ndërsa a ishte Maqedonia, korrekte në raport me ne, kjo është çështje e raporteve tona bilaterale. Edhe unë qartë e kam thënë, isha konkret dhe i qartë: do të sillemi me Maqedoninë, ashtu siç sillet Maqedonia me ne.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite