Bankat shqiptare kanë fshirë 35 miliardë lekë, ose mbi 255 milionë euro kredi të këqija gjatë dy viteve të fundit.
Shifra është bërë publike në programin e reformave ekonomike për periudhën 2017-2019, që u miratua në mbledhjen e fundit të Qeverisë.
Sipas dokumentit, vetëm për periudhën janar-nëntor të vitit të kaluar, bankat tregtare fshinë 14 miliardë lekë kredi të humbura. Kjo shifër i shtohet 21 miliardë lekëve të tjera që u fshinë në vitin 2015.
Fshirja e kredive të këqija nuk nënkupton faljen e tyre. Bankat vazhdojnë t’i ndjekin ato njësoj si më parë, por thjesht nuk i pasqyrojnë në bilancet e tyre.
Prej vitesh me radhë bankat private në Shqipëri e kanë patur të ndaluar t’i fshijnë kreditë e këqija pasi nuk ka ekzistuar baza ligjore.
Por në janar të 2015-ës Banka e Shqipërisë miratoi një rregullore, që i detyron ato të fshijnë çdo kredi, që ka më shumë se tre vjet e klasifikuar si e humbur. Kjo masë është pjesë e planit kombëtar për uljen e kredive të këqija të bashkëfirmosur nga kryeministri Edi Rama dhe Guvernatori Gent Sejko.
Të dhënat zyrtare tregojnë se të paktën deri tani, fshirja e huave të humbura, ka qenë një nga shkaqet kryesore për uljen e treguesit zyrtar të kredive me probleme, nga rreth 25 përqind që ishte në shtator të 2014-ës në 18.2 përqind në fund të vitit të kaluar./ Top Channel /
Çitaku për Hamzën: Dramën ua lëmë aktorëve, qeverisjen profe...
Nesër mbahet “Forumi për Sportin”
“Ai është anësori më i mirë në botë” – Lewandowski me këshil...
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...