Futbollisti holandez Arijen Robben ka vlerësuar lart dy menaxherët Jose Mourinho dhe Louis van Gaal, duke thënë se kanë pasur ndikim të rëndësishëm në karrierën e tij.
Holandezi ka punuar me portugezin në Chelsea në vitet 2004-2007, para se të largohej për në Real Madrid.
“Mourinho ishte shumë i drejtë, shumë i mirë”, ka deklaruar Robben.
“Problemi i vetëm ishin dëmtimet. Ai nuk mund të llogariste në mua. Ishte frustuese për të dytë dhe u bë e vështirë. Por në pikëpamjen e futbollit, ai ishte shumë i rëndësishëm. Ai më ka ndihmuar në aspektin mental”, ka shtuar holandezi.
“Mendoj se kam pasur një zhvillim pozitiv në Chelsea. Isha shumë i ri kur u transferova, vetëm 20 vjeç dhe kisha probleme me dëmtimet”.
Robben ka punuar me van Gaalin në Bayern dhe Holandë, ku në botërorin e fundit ka qenë lojtari kyç i skuadrës.
“Që nga dita e parë van Gaal më ka bërë të ndihem i rëndësishëm. Ai më ka dhënë një rol të rëndësishëm dhe pata një vit të parë të mrekullueshëm. E falënderoj shumë”, ka shtuar ylli i Bayernit.
“Ai është një trajner që i bën lojtarët individualë të ndihen mirë. Kjo gjë është e rrallë sot. Kam shumë besim se do të ketë sukses te United. Atij i duhet kohë që ta ndërtojë skuadrën. Nëse kualifikohet në Ligën e Kampionëve dhe fiton Kupën FA, do të ketë një sezon të mrekullueshëm”, përfundoi Robben.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...