Google ADS

Shpërblehet prapë filmi “Tri dritare dhe një varje”

10:00 | 9 Mars 2015
Arbresh.info

“Tri dritare dhe një varje” ka marrë një çmim tjetër ndërkombëtar. Ky film ka marrë çmimin e kritikës në Luksemburg, në festivalin “Association Luxembourgeoise de la Presse Cinématographique”.

“Critics Award” është ndarë për herë të parë në këtë festival, i cili sivjet ka mbajtur edicionin e pestë.

Marrjen e këtij çmimi e ka bërë me dije vetë producenti i këtij filmi Shkumbin Istrefi, përmes një publikimi në rrjetin social facebook.

Është çmimi i dytë gjatë muajit mars, që filmi nën regji të Isa Qosjes, i bashkëfinancuar nga Qendra Kinematografike e Kosovës, ka fituar.

Javën që shkoi, filmi i Qosjes mori çmimin e filmit më të mirë në Ëashington. “DC Independent Film Festival” e shpërbleu filmin nga Kosova me çmimin “Best of fest”.

Shpërndaje në rrjete sociale

Lajmet më të lexuara

Të ngjashme

Foto lajm