Turqia thotë se dy ushtarë të saj janë zhdukur në Siri

16:04 | 30 Nëntor 2016
Trina Galanxhi

Zyrtarët e ushtrisë turke kanë bërë të ditur se kanë humbur kontaktet me dy ushtarë të saj që ndodheshin në veri të Sirisë.

Shteti Islamik ka raportuar se kanë zënë rob dy ushtarë të forcave turke në fshatin al-Dana, shkruan BBC, transmeton arbresh.info.

Megjithatë Turqia nuk ka dhënë ndonjë koment mbi pretendimin e Shtetit Islamik.

Ushtria turke është duke e udhëhqeur një ofensivë kundër militantëve të Shtetit Islamik dhe forcave kurde që ndodhen në qytetin strategjik al-Bab. Që nga nisja e ofensivës tokësore kundër ISIS-it në shtator, Turqia është bërë objektiv në rritje për militantët e ISIS-it.

Qelizat xhihadiste besohet se kanë kryer disa sulme në Turqi gjatë vitit të kaluar. Sipas BBC-së qeveria turke aktualisht ka mbështetje të gjërë për ofensivën e saj ushtarake në Siri. Besohet se ushtarët e zhdukur janë rrëmbyer në verën e vitit të kaluar nga militantët e Shtetit Islamik. /Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm