Google ADS

8 Marsi: Haradinaj viziton 109 vjeçaren nga Bardhoshi

14:28 | 8 Mars 2015
Arbresh Info

Kryeatri i AAK-së, Ramush Haradinaj për Ditën Ndërkombëtare të Gruas, ka vizituar nënën Fatime nga Bardhoshi, e cila është 109 vjeçare.

Harandiaj thotë se duhet që të angazhohemi më shumë që gratë e Kosovës të gëzojnë vendin e merituar në shoqërinë tonë. Haradinaj deklaron se gratë kosovare historikisht kanë qenë shtyllë e familjes dhe kombit.

ramushiii

Për këtë vizitë lideri i AAK-së ka shkruar në rrjetin social Facebook:

“Isha në vizitë sot tek Nëna Fatime, 109 vjeçe nga Bardhoshi, e cila personifikon nënën dhe sakrificën, jetën dhe familjen.

Le të ngrejmë lart sot të gjitha arritjet e grave kosovare, sakrificën e rrugën e vështirë nëpër të cilën kaluan ato, dhe kontributin e tyre të pamohueshëm për Kosovën.

Le të angazhohemi më tepër për të gjitha femrat që ende nuk gëzojnë vendin e merituar në familje e shoqëri, deri atje ku ajo nuk ka mundësi të shkollohet, të votojë, të zgjedhet, të drejtojë biznes, e të zhvillojë jetën e aktivitetin e saj pa dhunë e diskriminim.

Gruaja kosovare historikisht ka qenë shtyllë e familjes dhe kombit. Le t’a nderojmë dhe respektojmë çdo ditë atë. Kur vajzat dhe gratë kanë çasje në edukim e punë, familjet dhe shoqëria janë më produktive. Unë angazhohem pandërprerë për këtë qëllim.

Urime 8 marsin, Ditën Ndërkombëtare të Gruas!”

Shpërndaje në rrjete sociale

Lajmet më të lexuara

Të ngjashme

Foto lajm