Skip to content
Sfida e fundit që ka pushtuar rrjetet sociale është ajo ku duhen veshur 100 rroba në trup. Por, kjo gjë ka shkuar keq për këtë vajzë nga Florida, në Shtetet e Bashkuara të Amerikës.
Ajo e ka pranuar sfidën dhe i ka veshur bluzat. Vetëm se pasi i veshi të gjitha, problemi i saj ishte heqja e tyre.
Vajza kishte ngecur brenda tyre dhe në video shihet duke qarë, por edhe, duke marrë frymë me vështirësi, pasi nuk mund të zhvishej. Vajza pohon se pati mungesë të theksuar frymëmarrjeje dhe iu duk sikur do të vdiste, dhe se po shihte vdekjen me sy teksa përpiqej më kot që të çlirohej nga mali me rroba, që i kishte zënë frymën.
Ajo e ka postuar videon e saj në “Twitter” me mbishkrimin:
“Mos e bëni këtë ose do të vdisni” dhe deri tani ka marrë 52.000 retweets dhe 74.000 pëlqime.
Më vonë, një shoqe dhe një shok i saj, i kishin ardhur në ndihmë vajzës.
