Ish-ambasadori i Kosovës në Shqipëri, Sylejman Selimi, është bërë shkak që disa anëtar të Njësitit për Përcjelljen e të Burgosurve të suspendohen nga ky njësit. Burime të “Arbresh.info”, kanë bërë të ditur se në maj të këtij viti, deri sa ish-komandant “Sulltani” po transportohej nga burgu për në Gjykatën e Apelit, atij nuk i ishin vënë prangat, me çka edhe ishte shkelur rregullorja e këtij njësiti. Gjithë kjo ka ndodhur kur Selimi po paraqitej në rastin e njohur si grupi “Drenica” në seancën e shqyrtimit të ankesave të tyre kundër dënimit të shqiptuar vitin e kaluar për krime lufte.
Sipas këtij burimi, menjëherë pas identifikimit të kësaj shkelje ishin ndërmarr masat ndaj gardianëve, të cilët kishin në përcjellje ish- Komandantin e Përgjithshëm të UÇK-së, Sylejman Selimi.
Lajmin për “Arbresh.info” e ka konfirmuar edhe Ministria e Drejtësisë. Sipas zëdhënëses së kësaj ministrie, Saranda Salihu, Njësiti për Përcjelljen e të Burgosurve, pas verifikimit të kësaj çështje ka ndërmarr masa ndaj gardianëve të përfshirë në këtë rast.
“Ju njoftojmë se pas marrjes së informatës se stafi i NJPB-së nuk i ka kryer detyrat në bazë të rregullores, janë ndërmarr të gjitha masat ndaj stafit që kanë qenë në ketë detyrë, masë e cila parasheh “ndërrim i vendit të punës, përkatësisht largim nga Njësiti për Përcjelljen e Burgosurve”, është shprehur zëdhënësja e Ministrisë së Drejtësisë, Saranda Salihu.
Ndryshe, këto ditë pritet që Gjykata e Apelit të dorëzoj vendimin e saj për rastin “Drenica I” dhe “Drenica II”./ Gita Lushi/Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...