Qeveria greke i ka dorëzuar Jeroen Dijsselbloem programin e reformave, i cili do të diskutohet të hënën nga ministrat e Financave të BE-së.
Sipas medieve greke, dokumenti me 7 pika dhe 11 faqe u dorëzua nga ministri i Financave greke, Janis Varufakis, duke rritur kështu shpresën për lirimin e këstit të radhës të ndihmës së financimit nga evropianët.
Reformat që premton qeveria e re greke janë lufta kundër evazionit fiskal, ngritja e një këshill fiskal për të gjeneruar kursime buxhetore, si dhe detaje të planit të qeverisë për të zbutur impaktin social të krizës, e cili do të kushtojë rreth 200 milionë euro.
Në letrën dërguar Dijsselbloem, Varufakis bën thirrje që diskutimet teknike mbi propozimet të nisin sa më shpejt të jetë e mundur.
Një zyrtar evropian, duke folur në kushte anonimiteti nga Brukseli, tha se është e pamundur që ministrat e Financave të eurozonës të miratojnë propozimet e qeverisë greke të hënën, duke shtuar se ky proces kërkon më shumë kohë.
Ndërkohë, dje Greqia pagoi këstin e parë të detyrimeve prej 310 milionë euro, i cili gjithashtu i hap rrugë lirimit të ndihmës.
Tashmë në dy javët e ardhshme Greqia duhet të paguajë edhe tre këste të tjera prej 1.5 miliardë euro, në mënyrë që të realizohet marrëveshja me trojkën.
Asani fantastik, dy gola për tre minuta
Gerti mohon spekulimet: Ish e dashura ime dëshiron të përfit...
Meksika do të ndëshkojë drejtorët e shkollave nëse nuk heqin...
“Unë dhe Meta, çdo gjë e kemi arritur vetë”/ Kryemadhi: Do m...
Brenda tetë muajve përfundon tuneli në Kurriz, Rama: Projekt...
Geci: Vëllait i kanë ndodhur disa raste të improvizuara nga ...