Xiaomi lanson telefonin Mi Note Pro

16:07 | 6 Maj 2015
Arbresh Info

Xiaomi ka lansuar zyrtarisht Mi Note Pro në Kinë me një çmim ekuivalent prej 480 dollarë, çmim ky i cili është më lirë se telefoni që kompania kishte prezantuar në muajin janar.

Derisa shumica e pajisjeve të kompanisë Xiaomi kanë një çmim të përballueshëm dhe ofrojnë performanca të mira, Mi Note Pro është gjithashtu pjesë e tyre, por  mund të krahasohet pa u trembur me telefonat e tjerë të klasit të lartë.

Mi Note Pro posedon një ekran Quad HD LCD me 5.7 inç, procesor Snapdragon 810, 4GB RAM, 64GB hapësirë për akumulimin e të dhënave, 13 megapiksel kamerë prapa dhe bateri 3090 mAh. Ky telefon bartë gjithashtu edhe disa funksione shtesë si teknologjinë Sunlight Display, Quick Charge 2.0 dhe HiFi.

Mi Note Pro është më i lirë se të gjithë konkurrentët e tjerë, përfshirë edhe telefonat nga kompania Samsung./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm