Google ADS

Kjo pemë mund të jetë banorja më e moçme e gjalllë e Evropës

00:47 | 20 Gusht 2016
Arbresh.info

Gjendet në Greqi dhe është më e vjetra në Europë. Quhet Adonis, një pishë me moshë 1075- vjeçare dhe është zbuluar në malet Pindos nga një grup shkencëtarësh gjermanë, amerikanë dhe suedezë.
Kjo pishë ka mbirë në kohën e Perandorisë Bizantine dhe ka “parë” historinë ti kalojë përpara.

Falë rrathëve në trungun e saj mund të mësohet më shumë për evolucionin e klimës në Mesdhe në rrjedhën e shekujve.

“Është e jashtëzakonshme se si një organizëm kaq i madh dhe kompleks ka jetuar kaq gjatë në një mjedis jo dhe aq të përshtatshëm”, thotë Paul J. Krusic, kreu i ekspeditës së shkencëtarëve të koordinuar nga Universiteti i Stokholmit.

Shkencëtarët e kanë pagëzuar Adonis, si perëndia greke e bukurisë dhe dëshirës. Trungu i pishës ka një diametër rreth një metër dhe numëron në të 1075 unaza, transmeton Shekulli.

Adonisi ishte 750-vjeçe kur Njutoni formuloi tri ligjet e tij dhe i kishte lënë pas njëmijë vjet kur nisi pushtimi fashist në Europë.

Shpërndaje në rrjete sociale

Lajmet më të lexuara

Të ngjashme

Foto lajm