Ministria e Arsimit, Shkencës dhe Teknologjisë, ka reaguar pas lajmit të publikuara në mediat ku thuhej se MASHT shpenzoi gati 5 mijë euro për uniformat e shoferëve të Ministrit Arsim Bajramit, duke e cilësuar si të pasaktë në informatat lidhur me vozitësit (shoferët) e këtij të fundit.

Zyra e Ministrisë njofton se Ministri Bajrami ka të angazhuar vetëm një vozitës dhe ai ka statusin e nëpunësit në Kabinet dhe nuk është shërbyes civil.

“Përndryshe, Divizioni për Shërbime Logjistike i MASHT-it ka një numër të vozitësve (shërbyes civil) të caktuar me organogram dhe ka bërë kërkesë bazuar në buxhetin e planifikuar (zotuar) dhe Planin e Punës së Departametit.” thuhet në komunikatën për media.

Gjithashtu njoftohet se, Ministria e Arsimit, Shkencës dhe Teknologjisë, javën e kaluar ka marrë vendim për anulimin e kësaj procedure, me qëllim të verifikimit të ligjshmërisë së zhvillimit të procedurës së këtij aktiviteti, ndërsa edhe në vitin 2015 nuk ka lejuar shpenzimin e mjeteve për këtë qëllim.

Ky është reagimi i plotë i MASHT: 

Ministria e Arsimit, Shkencës dhe Teknologjisë, për hir të sqarimit të drejtë dhe të saktë të opinionit publik, njofton se lajmi i botuar në disa mediume me datë 2 gusht 2016, me titull “Gati 5 mijë euro për uniformat e shoferëve të Arsim Bajramit”, është i pasaktë në informatat lidhur me vozitësit (shoferët) e ministrit Bajrami.

Ministri Bajrami ka të angazhuar vetëm një vozitës dhe ai ka statusin e nëpunësit në Kabinet, nuk është shërbyes civil, (është i emëruar dhe mandati i tij është i lidhur me mandatin e Ministrit).

Përndryshe, Divizioni për Shërbime Logjistike i MASHT-it ka një numër të vozitësave (shërbyes civil) të caktuar me organogram dhe ka bërë kërkesë bazuar në buxhetin e planifikuar (zotuar) dhe Planin e Punës së Departametit.

Mirëpo, Ministria e Arsimit, Shkencës dhe Teknologjisë, javën e kaluar ka marrë vendim për anulimin e kësaj procedure, me qëllim të verifikimit të ligjshmërisë së zhvillimit të procedurës së këtij aktiviteti, ndërsa edhe në vitin 2015 nuk ka lejuar shpenzimin e mjeteve për këtë qëllim.

Prandaj, ju lutemi të ofroni këtë sqarim në mediumet tuaja.

Duke vlerësuar punën tuaj, ju dëshirojmë suksese dhe ju falënderojmë për mirëkuptimin.