Zbulohen valë gravitacionale për herë të dytë

20:20 | 15 Qershor 2016
Arbresh.info

Shkencëtarët nga Observatori i valëve Gravitacionale Laser Interferometer (LIGO) kanë njoftuar që janë kapur valë gravitacionale nga një palë vrima të zeza që përplaseshin për herë të dytë, duke e mbështetur kështu teorinë e relativitetit.

Bashkëpunimi ndërkombëtar LIGO, me rreth 1000 shkencëtarë që kanë punuar së bashku, e bëri njoftimin e zbulimit gjatë një konference për media që po zhvillohet njëkohësisht në Lomonosov të Moskës State University (MSU) dhe Shoqatën e Astronomisë në San Diego, transmeton arbresh.info.

“Zbulimi i valëve gravitacionale nga bashkimi i dy vrimave të zeza nga detektorë Ligo për herë të dytë është shumë i rëndësishëm”, ka thënë profesori nga departamenti i fizikës në MSU Valery Mitrofanov, duke shtuar që kjo gjë përforcon astronominë e valëve gravitacionale.

Këtë herë lëvizjet e materialeve galaktike u kapën nga detektorë binjakë të Ligo-së – një në Livingston, Luiziana, dhe një tjetër në Hanford, Washington – më 26 dhjetor 2015./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm