Prej sot sektori i veshmbathjeve do të ketë një adresë për promovimin e këtyre produkteve kosovare. Portali “Kosovoapparel” do të ndihmojë në promovimin e industrisë së veshmbathjeve të Kosovës si destinacion në hartën botërore të prodhuesve të veshmbathjeve.
Ministrja e Tregtisë dhe Industrisë, Hykmete Bajrami tha me këtë rast se kjo platformë e web faqes është një databazë për industrinë e veshmbathjeve në Kosovë dhe ka rëndësi për promovimin e këtij sektori për zhvillimin ekonomik dhe krijimin e vendeve të reja të punës.
Ajo tha se aktualisht Kosova në tregun e eksporteve me këto lloj produktesh merr pjesë vetëm 5 për qind, andaj sipas saj kjo platformë teknologjike ka rëndësi për shtimin e eksporteve.
Krijimi i këtij portali vjen pas themelimit të Shoqatës së Prodhuesve të Veshmbathjeve të Kosovës. Të dyja këto janë pjesë e mbështetjes së USAID -it .
Drejtori i misionit të USAID-it në Kosovë, James Hope theksoi se portali do ta ndihmojë sektorin e veshmbathjeve, duke shtuar nivelin tregtar të eksporteve dhe sipas tij është një mekanizëm promovues që do ta nxisë zhvillimin ekonomik dhe krijimin e vendeve të reja të punës.
Hope tha se afaristët e këtij sektori për të qenë të suksesshëm duhet të jenë të qasshëm në internet me teknologji informative.
HISTORIKE/ Komiteti Ekzekutiv i UEFA-s do të mblidhet në Tir...
SBAShK-u, mësimdhënësve të Arsimit Parauniversitar: Mos i në...
Gjashtë të vrarë në një sulm izraelit në Bejrut
Ambasadori britanik: Autorët e sulmit në Banjskë të sillen p...
Vrasje në tentativë në Klinë, arrestohet i dyshuari
Milot Rashica pjesë e formacionit të javës në Turqi