Në mesin e ndërtesave më të famshme në botë është edhe Empire State Building, krenaria 85 vjeçare e New York-ut!

Me 1 Maj festoi ditëlindjen e tetëdhjetë, ndërsa çdo vit vizitohet nga më shumë se katër milion njerëz, të cilët kënaqen duke soditur pamjet spektakolare nga kati i 86-të.

Një nga simbolet më të njohura të New York-ut, dhe faktet që ndoshta nuk i keni ditur më parë, po jua paraqesim në vazhdim.

1. Kur ndërtesa është ndërtuar në vitin 1931, ishte më e larta në botë. Me 102 kate dhe antenë në maje e cila ngritej 443 metra dhe ishte më e larta deri në vitin 1972 me ndërtimin e “Kullave Binjake”.

2. Rreth ndërtesës kanë punuar afro 3 mijë punëtorë, të cilët kanë punuar mesatarisht pak më shumë se 4 kate për një javë. Prandaj, nuk është çudi që iu deshtën vetëm një vit e 45 ditë për përfundimin e gjithë ndërtesës.

3. Empire State Building ka kushtuar vlerën e 40 milion dollarëve, që për atë kohë ishte një shumë astronomike.

5. Është interesante se kjo ndërtesë ka kodin e vet postar – 10118.

6. Nuk i ka 102 kate, në fakt janë 103 kate, por ky i fundit është kat sekret dhe i hapur vetëm për të ftuarit dhe personat VIP.

7. Kur është koha e mirë, pamja nga soditja prej katit të 86-të, shtrihet në më shumë se 120 kilometra në distancë.

8. Në vitin 1979, një grua u përpoq të vriste veten duke u hedhur nga kati i 86-të, por ka mbijetuar si rezultat i erërave të forta që kanë fryer atë ditë dhe pasojat ishin vetëm fraktura trupore.

8 .Rrufeja godet majën e ndërtesës më shumë se 100 herë në vit.

9. Në këtë ndërtesë mund edhe të martoheni, dhe nëse këtë e bëni në Ditën e Shën Valentinit, ju automatikisht bëheni anëtarë të “Klubit të martuarve në Empire State Building”./femra.net