Google ADS

BE shënon Ditën Ndërkombëtare të Librit në Kosovë

08:10 | 20 Prill 2015
Arbresh.info

Qendra Informative dhe Kulturore e Bashkimit Evropian në Prishtinë, prej sot deri të premten (20-24 prill), do të organizojë një seri aktivitetesh për të shënuar Ditën Ndërkombëtare të Librit, si pjesë e fushatës së saj për gjuhët, artin dhe kulturën.

Në kuadër të manifestimit janë paraparë një ekspozitë me poezi të kaligrafuara të autorëve vendorë dhe ndërkombëtarë, lexime letrare, punëtori për të shkruarit me nxënës të përzgjedhur nga tri shkolla fillore të Prishtinës, si dhe dy debate me tema “Libri tradicional kundrejt librit elektronik” dhe “Përkthimet letrare si diplomaci kulturore”.

Në aktivitetet do të marrin pjesë artistë, shkrimtarë, studiues, botues, gazetarë dhe publicistë nga Kosova, si dhe mysafirë nga jashtë vendit, njoftoi Zyra e BE-së në Kosovë.

Shpërndaje në rrjete sociale

Lajmet më të lexuara

Të ngjashme

Foto lajm