Kanë mbetur edhe disa orë nga fillimi i ngjarjes PriFilmFest, ngjarje kjo e cila bashkon adhuruesit e filmave.

Nesër më datë 22 Prill do të fillojë  edicioni i tetë i festivalit PriFilmFest. Ky festival tani më ka publikuar axhendën e tij ku që nga data 22 Prill deri më datën 29 Prill, adhuruesit e flaktë të filmave do ta kenë mundësinë që të shikojnë filma të natyrave të ndryshme.

Këtë edicion festivali PriFilmFest do të mbahet në Pallatin e Rinisë, më saktësisht në sallën e kuqe dhe në disa salla  tjera në këtë Pallat të cilat janë shëndrruar në kinema të vogla.

Poashtu në bazë të axhendës së këtij festivali pritet që disa nga filmat të transmetohen edhe në sheshin ‘Zahir Pajaziti’ ku do të njihet si kinema e hapur dhe do të kenë mundësinë kushdo që kalon andej të shoh filma.

Ndërsa organizatorët e këtij festivali në faqen e tyre në facebook kanë filluar të shfaqin disa nga eventet e këtij festivali ku ndër të tjerash i ftojnë qytetarët të marrin pjesë në këtë festival./Arbresh.info

http://www.prifest.org/tjera/f/PRIFEST8_PROGRAM_2016.pdf