Njohja e diplomave universitare të Kosovës po neglizhohet

15:21 | 7 Mars 2016
Arbresh.info

Njohja e diplomave universitare të Republikës së Kosovës,në Serbi, ndonëse ishte paraparë të fillojë nga data 1 mars, sipas Marrëveshjes së arritur në Bruksel, ende nuk ka filluar.

Përfaqësuesi i Komisionit për Arsim të lartë në kuadër të Këshillit Kombëtar Shqiptar ën Luginë, Zejni Fejzullahu, ka thënë se pala Serbe tashmë ka sjell Ligjin për kushtet e veçanta të njohjes së diplomave nga Kosova, por problem mbetet hapja e zyrës ndërmjetëse të Asociacionit të Universiteteve Europiane në Prishtinë, e cila do të verifikonte diplomat.

Nga ana tjetër deputeti i deritashëm Shaip Kamberi, shprehet pesimist në seriozitetin e Serbisë për jetësimin e kësaj marrëveshjeje.

Në Luginën e Preshevës, janë qindra të diplomuar në Universitetet e Republikës së Kosovës, të cilët presin njohjen e diplomave të tyre nga Serbia. Mosnjohja e diplomave ka shkaktuar edhe largimin e shumë të rinjve nga kjo zonë në kërkim të një perspektive gjetiu.

Shpërndaje në rrjete sociale

Lajmet më të lexuara

Të ngjashme

Foto lajm