Në konferencën e mbajtur sot në Barcelonë, kompania LG ka prezantuar telefonin e saj më të ri LG G5.

LG G5 është telefoni i parë modular, gjë të cilin është përpjekur ta krijojë në të kaluarën gjiganti Google përmes Project Ara, por fatkeqësisht nuk ka pasur sukses. G5 është plotësisht i ndërtuar nga metali me linja perfekte dhe bateri portative, shkruan portali arbresh.info. Telefoni i ri i kompanisë vjen gjithashtu edhe me LG Cam Plus, që përveç që ofron funksione të ndryshme me kamerën e saj, shton edhe bateri 1.100 mAh.

Një veçori tjetër e jashtëzakonshme e telefonit të ri ka të bëjë me kamerat prapa, pra G5 ka dy super kamera që ofrojnë pamje të jashtëzakonshme falë këndit të gjerë prej 135 shkallëve.

LG G5 ka procesor Snapdragon 820, 4GB RAM dhe 32 GB hapësirë për akumulimin e të dhënave, shkruan portali arbresh.info. Po ashtu, telefoni vjen me hapësirë për micro SD kartë, bateri 2.800 mAh dhe prapa dy kamerave ka edhe sensorin për njohjen e shenjave të gishtave./arbresh.info