Një gol i shënuar në pjesën e parë dhe një në të dytën i mjaftuan skuadrës së Liverpoolit që të arrijë kështu fitoren e radhës ndaj Burnleyt në kuadër të Premier Ligës.
Skuadra vendase, ndonëse po e zhvillonte ndeshjen e tretë brenda 7 ditëve, nuk u tregua e mëshirshme në asnjë rast ndaj mysafirëve duke sulmuar që nga minutat e para të ndeshjes.
Goli i parë erdhi në minutën e 29-të nga Jordan Henderson. Tentimin e parë drejt portës e bëri Coutinho, por topi u kthye mbrapa dhe Henderson me të parën goditi për ta çuar skuadrën e tij në avantazhin prej 1 me 0.
6 minuta pasi filloi pjesa e dytë, erdhi edhe goli i dytë për vendasit. Kësaj radhe ishte Daniel Sturridge ai i cili realizoi me kokë pas një asistimi nga golashënuesi i parë, Henderson.
Deri në fund të ndeshjes pati edhe disa raste nga të dyja skuadrat, por rezultati nuk pësoi ndryshim.
Liverpool tani pozicionohet në vendin e pestë me 51 pikë, 2 më pak se Manchester United në vendin e 4-të dhe 3 më pak se Arsenal në vendin e tretë me 54 pikë.
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?