“Jam shumë e lumtur që do të fillojë xhirimet e filmit “Home”. Xhirimet do të bëhen në Prishtinë dhe në Mitrovicë, ndërsa faza e post-produksionit do të bëhet në Athinë të Greqisë. Poashtu jam e lumtur që do të punoj me aktorë shumë të dëshmuar në vend, ku besoj që do të ma lehtësojnë punën edhe më shumë”, u shpreh për KultPlus, More Raça.

Një film që flet për fatin e Havës, një grua 35 vjeçe, së cilës pas vdekjes së babait i ndryshon edhe jeta. Vëllezërit e saj pas kësaj ngjarje vendosin që ta ndajnë pasurinë ku Hava mbetet e përjashtuar nga e drejta për të qenë edhe ajo trashëgimtare e barabartë me vëllezërit.

Ky është sinopsisi i filmit të metrazhit të shkurtër “Home”, film ky që vjen me skenar dhe regji të More Raçës e për producent ka Sunaj Raça, i cili në mes të muajit shkurt do të hapë kllapën e parë të xhirimeve. Në një rrëfim për KultPlus, vetë regjisorja Raça, tregon më hollësisht disa detaje për xhirimet e filmit, e poashtu edhe për aktorët të cilët do të luajnë këtë film.

“Jam shumë e lumtur që do të fillojë xhirimet e filmit “Home”. Xhirimet do të bëhen në Prishtinë dhe në Mitrovicë, ndërsa faza e post-produksionit do të bëhet në Athinë të Greqisë. Poashtu jam e lumtur që do të punoj me aktorë shumë të dëshmuar në vend, ku besoj që do të ma lehtësojnë punën edhe më shumë”, u shpreh për KultPlus, More Raça.

Në kastën e aktorëve të këtij filmi bëjnë pjesë: Makfire Miftari, Kumrije Hoxha, Veton Osmani, Mirsad Ferati, Bekim Mulaj… ndërsa filmi është prodhim i shtëpisë filmike Arena, e që është subvencionuar nga Qendra Kinematografike e Kosovës dhe kompania Greke Two Thirty Five.