Tërhiqet shorti për rrethin e 1/8 së finales në Copa del Rey

17:38 | 8 Janar 2025
D.H

Gjatë ditës së sotme është tërhequr shorti për rrethin e 1/8 së finales në Kupën e Mbretit.

Real Madridi, Barcelona e Atletico Madrid që janë favoritët për të triumfuar në këtë garë, kanë mësuar kundërshtarët, shkruan Arbresh.info.

“Los Blancos” janë shortuar me Celta Vigon dhe ndeshjen e tyre do ta luajnë në shtëpi. Blaugrana do të jetë nikoqire e Real Betisit. Teksa, Atletico Madrid do të udhëtojë për t’u përballur me Elchen.

Në ndeshjet tjera, Valencia është mysafire e Ourenses, Almeria pret Leganes, Atletico Madrid luan në udhëtim te Elche, Real Sociedadi është nikoqir i Rayo Vallecanos, teksa Athletic Bilbao e pret Osasunan.

Ndeshjet do të zhvillohen javën e ardhshme, në datat 14, 15 dhe 16 janar.

Ndërkohë, çerekfinalet do të fillojnë më 5 shkurt, me ndeshjet e para gjysmëfinale në javën e fundit të shkurtit dhe kthimet në javën e parë të prillit.

Finalja këtë vit në Copa del Rey do të jetë në La Cartuja më 26 prill./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm