Aksion i policisë në veri/ Mbyllet zyra tatimore serbe në Mitrovicë, s’ka të arrestuar

10:25 | 8 Janar 2025
E.K

Policia e Kosovës ka njoftuar se në mëngjesin e sotëm, rreth orës 09:00, ka mbyllur një zyrë tatimore që dyshohet se ka vepruar si degë e Ministrisë së Financave të Serbisë, e vendosur në Lagjen e Boshnjakëve në Mitrovicë.

Këtë e ka konfirmuar për Arbresh.info zëvendësdrejtori i policisë në veri, Veton Elshani, i cili ka thënë se nuk ka persona të arrestuar dhe se ata që ndodheshin në zyrë janë larguar nga vendi.

“Rreth orës 9 kemi hy në këtë ndërtesë e cila sipas informacioneve tona ka funksionu si zyre tatimore (si degë e Ministrisë së Financave të Serbisë). Në këtë vend kemi has në prova që e vërtetojnë dyshimin tonë dhe pas konsultimit me Prokuror, njerëzit që janë has aty janë largu nga ai vend dhe ajo ndërtesë është mbyll deri në verifikim të plotë të fakteve. Nuk ka persona të arrestuar”, ka deklaruar Elshani./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm