Google ADS

Haradinaj: Trefishimi i pensioneve të veteranëve është përgjegjësi institucionale dhe morale

15:41 | 29 Dhjetor 2024
E.H

Kryetari i Aleancës për Ardhmërinë e Kosovës, Ramush Haradinaj organizoi një pritje për veteranët e UÇK-së në prag të Ditës së Veteranëve.

Përmes një postimi në Facebook, Haradinaj tha se ky takim dëshmon unitetin dhe forcën e pathyeshme të luftëtarëve të lirisë, përcjell Arbresh.info

“Dita e Veteranit do të jetë festë zyrtare në Kosovë, si një hap i domosdoshëm për institucionalizimin e respektit ndaj atyre që flijuan gjithçka për lirinë. Përkushtimi ynë për trefishimin e pensioneve të veteranëve, invalidëve të luftës dhe familjeve të dëshmorëve është shprehje e përgjegjësisë sonë institucionale dhe morale”, ka shkruar Haradinaj.

“Kosova e lirë dhe e pavarur do të vazhdojë të ndërtojë të ardhmen duke u mbështetur në vlerat e luftës çlirimtare, duke siguruar dinjitet dhe mirëqenie për të gjithë ata që kontribuan në themelet e shtetit tonë. Ky është obligim i shenjtë dhe i pakompromis për ne”, tha Haradinaj./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm