Sherri blindon vendin e titullarit tek Cagliari, rivali i tij i portës vendos të largohet nga skuadra

21:17 | 26 Dhjetor 2024
D.H

Pasi bëri hapin e madh në karrierë duke u transferuar nga Egnatia tek Cagliari, Alen Sherri ka fituar vendin e titullarit tek ekipi i Serisë A.

Nuk u desh shumë kohë, pas vetëm disa ndeshjeve ku qëndroi në bankë rezervë, portieri i Kombëtares shqiptare është rikthyer për të luajtur si titullar në gjashtë ndeshjet e fundit, shkruan Arbresh.info.

Trajneri i Cagliarit, Nicola ka bërë zgjedhjen e tij dhe tashmë Simone Scuffet i cili nuk shihet si portier i parë do të largohet në merkaton e janarit, me destinacionin e mundshëm si portier i dytë te Napoli që e kërkon.

Kështu, Alen Sherri do të ketë mundësinë për të luajtur në pjesën e mbetur të sezonit me klubin italian, duke e hapur konkurrencën edhe më shumë tek kombëtarja së Thomas Strakoshën për rolin e titullarit në ndeshjet e kuqezinjve./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm