Aksidentohet autobusi me 58 persona në Norvegji, raportohet për tre të vdekur

18:54 | 26 Dhjetor 2024
K.B

Një aksident i rëndë ka ndodhur në Norvegji, ku një autobus ka dalë nga rruga dhe ka përfunduar në liqen. Sipas medias britanike BBC, të paktën 3 persona kanë humbur jetën dhe 4 të tjerë kanë pësuar lëndime.

Në momentin e aksidentit, në autobus mendohet se ishin 58 persona. Aksidenti ndodhi rreth orës 13:30 me orën lokale në distriktin Hadsel në bregun veriperëndimor të vendit.

Autobusi doli nga rruga dhe përfundoi pjesërisht në liqenin Åsvatnet, sipas transmetuesit publik norvegjez. Kryqi i Kuq Norvegjez tha në mediat sociale se po dërgonte ekipe për të ndihmuar në një aksident të rëndë.

Në këtë zonë ka pasur raportime për reshje të dendura dëbore dhe erëra të forta. / abcnews.al

Shpërndaje në rrjete sociale

Lajmet më të lexuara

Të ngjashme

Foto lajm